Новиот спот на Здравко Чолиќ за песната „Тебе чувам за крај“, која веќе стана голем радиски хит, денеска во 12:00 часот премиерно беше поставен на официјалниот YouTube канал.
Спотот е снимен во Лисабон, еден од најубавите поморски градови во Европа.
„Имав идеја спотот да се сними во Лисабон, со оглед на стилот на песната и музиката во неа. Жарот на песната е таков, еден вид на салса, а малку асоцира и на латино музика, полу-бразилски. Јас и режисерот на спотот размислувавме, разговаравме и така изборот падна на Лисабон.“ – открива Здравко Чолиќ.
„Убаво е чувството кога знам дека Здравко пее моја песна. Како мал, сакав да собирам сликички, тоа го пренесов и на овој музички проект. Годините си го направија своето, ми недостасуваше само Здравко Чолиќ, ете така настана оваа песна. – вели авторот на песната Мирослав Рус, за која аранжманот го потпишува Никша Братош.
Ова е четврта екранизација од песните од новиот албум на Чолиќ насловен како „Оно мало срече“, прво заедничко регионално издание од двете најголеми издавачки куќи
PGP RTS i CROATIA RECORDS.
Strugaonline
Facebook Коментари