Во извонреден натпревар, ракометарите на Металург извојуваа победа во Чехово, каде го совладаа тимот на Чеховски Медведи, со резултат 32:26 (15:15). Ова е прва победа на Mеталург во Чехово, каде вчера го одиграа вкупно третион натпревар. Истовремено, ова е засега највисокиот пораз на Чеховски Медведи на домашен терен во тековната сезона, иако овде сезонава гостуваа и Монпелје и Бешикташ.
Металург одигра одличен натпревар, како во нападот, така и во одбраната, и имаше најпостојана игра во досегашниот тек на сезоната, со минимален период на криза од која успеа да излезе со величествена серија од 6:0. Првото полувреме помина во речиси рамноправна игра, во првиот дел од првото полувреме во предност беше Металург, а успешни моменти и водство во вториот дел од првото полувреме имаа и противниците. Благодарение на младиот голман Мартин Томовски, кој влезе во 23. минута и кој за само четири минути одбрани четири удари, од кои и два седмерци Металург отиде на одмор со израмнет резултат односно 15:15.
На почетокот на второто полувреме екипата на Чеховски Медведи имаше позитива од два гола, но по краткиот кризен период Металург се врати во игра со серија 6:0. Сето тоа внесе нервоза кај ракометарите на Чеховски Медведи, кои се почесто грешеа, а Металург сето тоа го искористи и ја наполни мрежата на противникот.
Чеховски Медведи – Металург 26:32 (15:15)
Чеховски Медведи: Андреев 2, Болотин, Џемин, Фуртцов, Грушко, Карлов 1, Корнев 3, А. Котов 2, К.Котов 1, Куретков 5, Маслеников 4, Осташченко 1, Павленко, Санталов 6, Шарков 1 и Василев. Седмерци: 6/9. Исклучувања: 6 минути.
Металург: Арсиќ (3 одбрани), Томовски (8 одбрани + 3 седмерци), Анџелиќ 4, Арсеновски, Димитриевски, Гуглета 1, Илиќ 4, Јагањац 9, Палевски, Пешевски 6, Петров, Серафимов 3, Танкоски 3, Токиќ 1 и Велковски 1. Седмерци: 2/3. Исклучувања: 8 минути.
Извор: rkmetalurg.mk
Facebook Коментари