Како дел од чествувањата на празникот Свети Кирил и Методиј, во четврток, на 24-ти мај, во црквата „Св. Софија“ ќе се одржи концерт на растечката генерација македонски пијанисти.
– Концертот е во чест на нашите духовни татковци, сесловенските просветители Свети Кирил и Методи во лулката на словенската писменост – древниот Охрид. Ќе настапат уметници од растечката генерација македонски пијанисти под уметничко раководство на проф. д-р Ана Гацева и проф. м-р Даниел Чуркоски, порачуваат организаторите.
Концертот ќе започне во 19:30 часот, воведна реч ќе имаат проф. д-р Димитар Пандев и актерот Симон Јаковлев, а претходно е предвидено и полагање на свежо свеќе пред споменикот на Свети Кирил и Методиј во градскиот парк.
Влезот за сите посетители е слободен.
извор: ОхридПрес
Facebook Коментари