И понатаму беснеат шумски пожари во сојузната американска држава Калифорнија, до сега најмалку десет лица го загубиле животот. Стотици куќи се целосно изгорени, а илјадници жители морале да бегаат пред стихијата.
Најзафатен од пожарите е лозарскиот регион на Калифорнија. Само во регионот на Сонома се регистрирани шест жртви, соопшти полицијата преку Твитер. Пожарникарската служба пријавила двајца загинати во Напа и еден во Мендосино.
Брзоширечките шумски пожари натераа во бегство илјадници жители од погодените области. Околу 20.000 луѓе ги напуштија своите домови и мораа да бидат евакуирани на безбедно место. Гувернерот Џери Браун претходно прогласи вонредна состојба проради природна непогода во делови од Калифорнија.
Facebook Коментари