Французите се познати како големи љубители на храната. Но, тоа што на прв поглед зачудува, е фактот дека дел од нив се витки, за разлика од Американците и Германците, каде што дебелината станува национален проблем. Многумина се прашуваат како е тоа можно.
Оваа дилема ја разреши Центарот за истражување на животниот стил CREDOC. Истражувањето покажа дека тајната е во редовните оброци со семејството, кои го намалуваат ризикот од дебелеење.
Вкупно 90 отсто од калориите француски жени и мажи ги внесуваат за време на главните оброци, а само 10 проценти од ужинките меѓу оброците.Во САД, над 20 отсто од калориите се внесуваат надвор од појадокот, ручекот и вечерата.
Дебелите луѓе во Франција се само 15 проценти, додека во САД 27 проценти. Во Франција,храната е дел од социјалниот живот, се ужива во неа и се цени квалитетот, но за Американците, тоа е повеќе техничка активност, наведува Институтот.
Facebook Коментари