На 60-тото издание на најпрестижните Греми награди чија церемонија се одржа во “Медисон Сквер Гарден” им беа доделени признанија на најдобрите музичари за изминатата година. За “Албум на годината” беше избран албумот на Бруно Марс „24K Magic“, а истоимената песна доби признание за најдобро изработено видео. Друга песна на Марс – That’s What I Like, ја доби наградата “Греми” во категоријата “Песна на годината”, победувајќи го фаворитот Despacito. Марс освои уште три награди за R & B и доби 6 „грамофони”.
Канадската пејачка Алесија Кара ја освои престижната награда “Откритие на годината”. Кара за оваа награда се натпреваруваше со Јулија Михаелс и Калид.
На доделувањето на Греми наградите, Eд Ширан доби награда во категоријата за соло поп изведба, за Shape of You, победувајќи ја Лејди Гага со песната Million Reasons, Кели Кларксон со Love So Soft, Кеша со Praying и Пинк со What About Us.
Кендрик Ламар беше номиниран за седум награди, а успеа да освои пет од нив – најдобар рап албум „Damn“, рап песна „Humble“, рап изведувач „Humble“, рап/вокална соработка за дуетот со Ријана во песната „Loyality“ и видеоспотот за „Humble“.
Facebook Коментари