Ракометен клуб „Струга“ слави 70 години постоење. Во сабота во Спортски Центар „Тими“ на терен ќе се вратат млади и стари ветерани, а заедно со нив ќе игра и сегашната екипа на РК Струга.
„Во ревијален натпревар ќе провериме дали искуството ќе ја победи младоста. Ќе докажеме уште еднаш зошто Струга го носи епитетот „ расадник на ракометни таленти.“ „Паткари“ ќе ја создадат атмосферата која никого не остава рамнодушен. Ова е настан кој не се пропушта.“ – велат од РК „Струга“.
Овој натпревар е несекојдневна можност да се види како ветераните ќе се пресметаат со младината како надежна иднина на струшкиот ракомет. РК „Струга“ млади и стари и навивачка група „Паткари“ ве очекуваат.
Почетокот е закажан за 18:00 часот.
Strugaonline
Facebook Коментари