Во рамките на фестивалот „Охридско лето“, во предворјето на црквата „Св. Софија“ во Охрид вечерва, со почеток во 21:00 часот ќе се игра претставата „Во агонија“.
Славната драма на Крлежа, дел од трилогијата за Глембаеви, е поставена како жесток судир на тројца луѓе. Во фокусот на безвременската приказна за љубовниот триаголник и подемите и падовите во општеството, се сензитивната и разочарана сопственичка на кројачки салон Лаура Ленбахова, нејзиниот интимен пријател, адвокатот Иван Крижовец, кој успеал да се снајде во новонастанатите општествени ситуации и мажот на Лаура, пијаница и коцкар, бивши затвореник и потполковник, баронот Ленбах. Лаура ја игра Нела Кочиш, Иван Крижовец – Озрен Грабариќ, а барон Ленбах – Дарко Стазиќ.
Претставата не се препорачува за публика под 18 години.
Извор и фото: Охридско лето
Strugaonline
Facebook Коментари