Триста пензионери од десеттина здруженија во хотел „Бисер“ го прославија 8-ми ноември, односно 74 години слободна Струга. Во прекрасна атмосфера беа обновени многу пријателства и се стекнуваа нови познанства. Пензионерите се дружеа и пее песни на македонски, албански, српски, влашки, ромски и други јазици. Ова беше одлична можност за повозрасните лица да заборават на грижите од секојдневниот живот и да ја почувствуваат мотивацијата за забава. Оваа прослава прерасна во мултиетничка средба со меѓусебно почитување.
На прославата присуствуваа пензионери од ЗП-Струга, Охрид и Дебарца, Дебар, Тетово, Ресен, Демир Хисар, Битола, Гази Баба од Скопје, како и Здружението на лица со инвалидност од Охрид.
Според утврдената програма на ЗП Струга, делегациите најпрво положија свежо цвеќе пред споненикот на Револуцијата на плоштадот во Струга, а потоа поестија многубројните културни објекти како што се : Спомен Домот на Браќата Миладиновци каде што е седиштето на СВП, Галеријата Ванѓел Коџоман, Природно-научниот музеј д-р “Никола Незлобински“, црквата „Свети Ѓорѓија“ како и пештерската црква посветена на Света Богородица.
Пензионерите и присутните беа поздравени од актуелниот претседател на ЗП –Струга, Милорад Трпоски , кој меѓудругото истакна дека Активот на пензионерки предводен од Елисавета Лазареска , е многу активен во својата работа и има целосна поддршка од органите на здружението.
Прва добредојде и пријатна забава на пензионерите им посака потпретседателката на Активот на пензионерки на ЗП Струга, Павлина Кузманоска, која накусо се осврна на триесет и три годишниното постоење на Активот и им подари на сите жени 74 каранфили во знак на 74 години слободна Струга.
Пред пензионерите зборуваше г-н Милорад Трпоски кој на присутните им ги пренесе топлите поздрави од претседателот на СЗПМ, Драги Аргировски и заложбите на сојузот за подобар стандарт на пензионерите на сите полиња, а особено на подобрување на меѓугенерациската соработка ,активно стареење и соживот.
Oваа прослава беше во организација на Здружението на пензионери и Активот на пензионерки од Струга.
Текст и фото: Стојан Кукунешоски
Strugaonline
Facebook Коментари