Ракометниот Клуб „Енхалон“ од Струга ќе биде домаќин на третиот ракометен турнир „ЕНХАЛОН КУП 2020„ за млади категории до 16 години што ќе се одржи во период од 19-ти до 21-ви јуни.
За клубот приоритет се младите категории,на кој што мора да се посвети поголемо внимание доколку сакаме ракометот и понатаму да остане спорт бр 1 во Македонија. Ваквите турнири ќе овозможат да се истакнат млади играчи каде што ќе има и соодветна селекција. Нашата стратегија ќе се темели на тоа да се истакнат повеќе македонските играчи кои што ќе бидат репер за националните селекции.-велат од клубот.
Ракометниот клуб Енхалон врши и нови уписи на членови на возраст од 6-12 години.
Што се однесува до ракометот во светски рамки, потребни се промени и тоа што поскоро. За жал денес предност во ракометот имаат судиите и федерациите како најважен дел од самата игра. Мора да се менуваат правилата со што текот на самата игра би бил поатрактивен и побрз тоа ќе влијае повеќе на маркетингот секторот и привлекување на спонзори. Публиката е исто така важна,пред се играчите играат за неа и за себе самите а не за федерациите и судиите. Ракометниот клуб Енхалон е отворен за соработка со сите кои што му мислат добро на спортот и ракометот во нашиот град Струга. Време е нивото на соработка помеѓу клубовите да се подигне на повисоко ниво во интерес на спортистите и градот. –стои во соопштението од „Енхалон“
Strugaonline
Facebook Коментари