ЖКК Струга 2009 во последна минута не успеа да го совлада Баскет Кам, помалите пионерки го започнаа своето натпреварување со победа

- Локални, Спорт
53

ЖКК Струга 2009 во последна минута не успеа да го совлада тимот на Баскет Кам –актуелен освојувач на купот и моментален лидер на табелата. Во неизвесна пенал завршница домашните кошаркарки на Баскет Кам победија со резултат 68:62 (13:12;18:17;17:23;20:10). Стрелци за нашата екипа беа Ли со 18 поени, Стенциел 12 поени, Стојановска 11 поени, Зендели 10 поени , Модева 6, Кукунешоска и Белкоска по 2 поени, а Муртазаи постигна 1 поен.  Кај домашните најдобра беше Димова со 26 поени.

,,Одигравме добар натпревар, бевме конкурентни 39 минути и 33 секунди, во пенал-завршницата противничките беа посконцентрирани. Сакам да им честитам на моите кошаркарки кои веќе четири натпревари играат на високо ниво без оглед на тоа што имаме и ситни повреди и сме најмлада екипа во лигата. ,, -изјави тренерот на ЖКК Струга 2009, Владимир Ѓоровиќ.

На струшките кошаркарки сега им претстои пауза од две недели и истите ќе ги искористат на најдобар можен начин и ќе се подготвуваат за продолжување на првенството во кое им претстои гостување во Крива Паланка.

Овој викенд и најмладите кошаркарки односно помалите пионерки го започнаа своето натпреварување и беа подобри од ЖКК Работнички во Скопје со резултат 19:26 (04:12;02:03;05:05;08:06)

,,Со оглед на тоа дека ова е нивниот прв натпревар во кариерата и тоа на гостински терен, јас сум презадоволен. Сите 12 девојки дадоа максимум и придонесоа за оваа победа.,, -изјави Ѓоровиќ.

Дукоска постигна 12 поени, Стеблева и Мојсоска по 4 поени, Шикоска и Мијоска по 2 поени, Милеска и Коцареска по 1 поен. Играа и Бујари, Нонеска, Краљ, Танаскоска и Крстеска и дадоа придонес во играта, посебно во одбрана.

Strugaonline

Facebook Коментари