Цените на бензините и на дизелот од ноќеска на полноќ ќе се зголемат за еден денар, соопшти Регулаторната комисија за енергетика (РКЕ).
Новата цена на ЕУРОСУПЕР БС-95 ќе изнесува 67,50 денари за литар, на ЕУРОСУПЕР БС-98 69,50 денари, а на ЕУРОДИЗЕЛ (Д-Е V) 60,50 денари за литар.
Малопродажната цена на Екстра лесното масло за домаќинство, исто така, ќе се зголеми за еден денар на 49 денари за литар.
Малопродажната цена на мазутот М-1 НС се зголемува за 0,539 денари за килограм и од ноќеска на полноќ ќе изнесува 29,906 денари за килограм.
Овие цени ќе важат во текот на следните две недели. Како причина за зголемувањето на малопродажните цени на нафтените деривати од Регулаторна ги посочуваат за 4,54 отсто повисоката просечна цена на суровата нафта на светскиот пазар во изминатите 14 дена и за 1,44 отсто повисокиот крус на доларот во однос на денарот.
Facebook Коментари