Денеска започнува манифестацијата „Прличеви беседи 2018“

Денеска во Центарот за култура „Григор Прличев“ во Охрид започнуваат активностите во рамки на традиционалната манифестација „Прличеви беседи.“

Според најавената програма,  од 12:45 часот во изложбениот салон ќе биде отворена изложбата на ликовни дела од македонски ликовни уметници.

Во 13:00 часот предвидена е свеченост посветена на лауреатот, добитникот на наградата за најдобра поема за 2017 година, доц.д-р Гордана Стојаноска.

Свои настапи ќе имаат ученици од од ОМУ „Методи Патче“ – Стефан Петрески – гитара, Христијана Матеска – хармоника.

Ќе се обратат директорот на Центарот за култура, Стрезо Стаматоски, како и претставник на општина Охрид.

Артистичка изведба на наградената поема „Клучевите” ќе имаат актерите Адријана Тодороска и Павел Маслов, по што на Стојаноска ќе и биде врачена Повелбата за најдобра поема.

Strugaonline