ЕХФ го објави најновото рангирање, Вардар не е на прво место

После двомесечна пауза денеска продолжува Ракометната лига на шампионите, а ЕХФ го објави најновото рангирање на фаворитите, во кое Вардар повеќе не е на првата позиција

Врз база на анализите на спортски новинари низ Европа, ПСЖ е новиот лидер на рангирањето на ЕХФ со кое се проценува кој тим во каква форма е и со какви шанси влегува во натпреварите. Вардар беше на врвот во октомвриското рангирање, а сега е на второ место.

Третата позиција ја има Веспрем, а на четвртото место е Фленсбург. Следниот противник на Вардар, екипата на Барселона, е на седмото место, што за неа претставува пад од три места споредено со претходното рангирање. Натпреварот помеѓу Ваардар и Барселона ќе се игра на 10-ти февруари.

Целосната ранг листа изгледа вака:

1. ПСЖ
2. Вардар
3. Веспрем
4. Фленсбург
5. Нант
6. Рајн-Некар
7. Барселона
8. Кјелце
9. Пик Сегед
10. Мешков Брест

Strugaonline

фото: архива