На 6-ти мај во Струга ќе се одржи обука за емоционална интелигенција со д-р Лазар Ѓуров и Анита Јанчевска од Институтот „Симбиотика. “
Оваа бесплатна обука е наменета за млади од 16 до 25 години од Југозападна Македонија (Охрид, Струга, Кичево, Дебар, Ресен и Битола)
Обуката се организира во рамки на грантот “ПОДОБРИ СЕ – ЗАЈАКНИЈА ТВОЈАТА ЗАЕДНИЦА”финансиран од Проектот на УСАИД за граѓанско учество, кој се спроведува од страна на грантистот Локална агенција за развој – Струга.
Oваа обука ќе ви овозможи да ги разберете и да управувате со своите и туѓите емоции. Дали знаете дека вашиот IQ e одговорен за само 20% од успехот на работното место и задоволството во животот? Тогаш, каде се останатите 80%?! Развиената емоционална интелигенција е новото високо IQ!
Истражувањата покажуваат дека емоционалната интелигенција како способност (која се учи и развива!) е одговорна за 80% од успехот и среќата на личен и професионален план!
Лицата кои имаат високо развиена емоционална интелигенција: ги препознаваат и разбираат своите и туѓите емоции, успешно ги контролираат и управуваат емоциите во своја корист, а НЕ ги потиснуваат! Знаат како да се справат со емоционалните реакции на блиските, пријателите, клиентите, колегите и соработниците, се соочуваат со помалку стрес, бидејќи знаат како да се справат со сите животни ситуации, се продуктивни, мотивирани и успешно ги остваруваат целите, лесно ги решаваат секојдневните предизвици.
Организаторите на оваа обука гарантираат дека од обуката ќе имате над 12 конкретни придобивки на личен и на професионален план!
Обуката ќе се одржи во хотел „Мираж“ со почеток во 10:00 часот.
Обуката е бесплатна и бројот на учесници е ограничен. За повеќе информации можете да се обратите на [email protected] или 072590966.
Strugaonline
фото: архива
Facebook Коментари