На вториот по ред Sea Star фестивал, кој во организација на EXIT тимот се одржа од 24-ти до 27-ми мај во прекрасната лагуна Стела Марис во Умаг, низ фестивалската капија поминаа над десетина илјади музички патници за време на четирите дена, неуморно забавувајќи се во 16-те фестивалски зони, од кои дури седум бини исполнети со музичка програма и со фановите желни за првиот голем летен фестивал на отворено! Епицентрите на случувањата очекувано беа спектакуларната и двојно поголемата од минатата година главна бине Addiko Tesla Stage, како и најжешкиот амфитеатар на овој викенд – Nautilus Arena. Истра за време на овој викенд, покрај топлото сончево време и високите температури, ја запалија и водечките светски имиња како што се Dimitri Vegas & Like Mike, Robin Schulz, Hurts, Paul van Dyk, Filatov & Karas, Ofenbach, Luke Slater, Francois X, Tommy Four Seven како и одличната екипа од регионот Tram 11, Edo Maajka & Band, Nipplepeople, Sajsi MC, Senidah, Krešo Bengalka, Dječaci, Detour и бројни други!
Повеќе од 70 изведувачи ја заокружија спектакуларната програма на овогодинешниот фестивал, а ни најголемите хедлајнери не останаа рамнодушни пред магичното крајбрежје на Истра, па голем дел од нив меѓу кои и момците од Hurts и Filatov & Karas ги споделија впечатоците на своите инстаграм профили поздравувајќи ги фановите ширум светот од прекрасниот Умаг!
Следната станица на EXIT Freedom караванот е од 1-ви јуни во бајковитото гратче Темишвар, кога почнува Revolution Фестивалот, а потоа продолжува на Петроварадинската тврдина за осумнаесеттото издание на EXIT Фестивал од 12-ти до 15-ти јули. Фестивалското лето се завршува во тиркизното крајбрежје во Буљарица, за петтото издание на Sea Dance фестивал во новиот термин од 30-ти август до 1-ви септември.
Strugaonline
Facebook Коментари