По повод 24-ти јуни, Меѓународниот ден на Балканските Eгипќани, во Струга се одржа културна манифестација на која премиерно беше прикажан документарниот видео запис посветен на заедницата на Балкански Египќани како и изложба на стари слики и воедно беа претставени културните вредности, традиција и историја на заедницата на Балканските Египќани. Проектот е финансиран од ЕУ, во рамките на проектните активности на проектот „Диверзитетот е тренди„ кој го имплементира НВО ПТАХ2013 од Струга.
На манифестацијата присутствуваше и специјалниот советник за мултикултура, проф.др Рубин Земон од кабинетот на премиерот Зоран Заев, и директорот за остварување на правата на заедниците г-динот Илхам Рахман. Пораката која ја испрати претседателот на НВО ПТАХ2013 г-динот Мајер Зуко на оваа културна манифестација е дека во иднина заедницата на Балканските Египќани ќе биде целосно интегрирана во општеството како посебна етничка заедница заедно со останатите етнички заедници споменати во преамбулата на уставот на РМ.
Strugaonline
Facebook Коментари