Денеска започнува 46-то издание на традиционалниот меѓународен ракометен турнир „Струга 2018“, на кој оваа година учествуваат шест странски и две домашни екипи.
Организаторите најавија дека оваа година турнирот ќе блесне во нов сјај и тоа го остварија. Пред неколку денови беше поставена нова подлога на ракометниот терен кој и после турнирот ќе остане за потребите на РК Струга.
На овогодишниот турнир ќе настапат осум екипи поделени во две групи. Првата ја сочинуваат Еурофарм Работник, Целје, Бешикташ и Тулуз, а во втората група ќе се натпреваруваат домаќинот Струга, Железничар, Доброгеа Суд Костанца и Алингсас.
На ден пред финалето ќе се одигра и Суперкупот на Македонија, меѓу Вардар и Металург (18 август од 21:00 часот).
Средствата од билетите ќе бидат наменети за хуманитарни цели односно за потребите на билницата „Дијализа“ и во амбулантата на спортска медицина – Струга.
Турнирот официјално ќе започне денеска во 17:30 со првиот натпревар помеѓу екипите ма Железничар и РК Струга.
Strugaonline
Facebook Коментари