Реприза на легендарната претстава „Метод“ во охридскиот театар

 Станува збор за претставата „Метод” (El mètode Grönholm) од Жорди Галсеран, на репертоарот на Народен Театар Охрид.

Премиерата од оваа претстава во охридскиот театар предизвика воодушевување и стоечки аплаузи од публиката, доколку ја пропуштивте премиерата, не смеете да ја пропуштите репризата која што е закажана за во петок  (23-ти ноември) во 20.00 часот .
– Претстава зборува за последносто интервју на финалните четири кандидати за висока позиција во голема интернационалана компанија. Во оваа приказна, преку интриганта сатира кон модерното сфаќање на капитализмот и општеството воопшто, се анализира природата на човекот. Концептот го поставува човекот во инфериорна позиција во однос на “големата слика” и го поставува прашањето колку голема е всушност “големата слика”? Преку интензивните трилер ситуации се игра со публиката и она што таа мисли дека го знае, исто како што дејствието си игра со ликовите и она што тие мислат дека го знаат. Така се создава еден модерен психолошки трилер со интензитет и темпо што ја вовлекува публиката толку активно да ги прати заплетите што и самата станува петтиот лик во оваа пиеса. – вели режисерката  Ирена Стеријовска

Билетите се поцена од 200 денари, а во оваа претстава игра познатата актерска екипа составена од Стрезо Стаматовски, Ивица Цонев, Елизабета Стефановска и Јаков Спасов.

Strugaonline