Жителите на Санкт Петерсбург, во понеделникот, ги вознемири силна експлозија во метрото. Агенцијата ТАСС јави дека има жртви.
Русија издаде потерници за две лица поради нивната наводна поврзаност со експлозијата што се случи во метро во Санкт Петербург.
– Две лица се бараат поради сомнение дека ја планирале експлозијата. За едниот човек постои сомнение дека ја поставил експлозивната направа во вагонот, додека за другиот дека поставил бомба на самата станица на метрото, наведе неименуван извор, пренесува БТА.
Портпаролката на рускиот Истражен комитет Светлана Петренко наведе дека членовите на Комитетот ги испитуваат сите околности, како и дека специјалната екипа од истражители и форензичари на самото место ги собира сите делови од експлозивот и ги испитува сведоците, јави ТАСС.
Петренко наведе дека според прелиминарните резултати, возачот постапил правилно бидејќи не го запрел возот, туку продолжил да вози кон следната станица, со што се овозможила евакуација и укажување на медицинска помош за повредените.
Facebook Коментари