Пушачите имаат 70 отсто поголеми шанси да страдаат од депресија и анксиозност, ова се резултатите од новата студија поврзана со пушењето и ефектите од оваа штетна навика.
Истражувачите изјавиле дека откажувањето од цигари може да им помогне на луѓето да се изборат против овие проблеми и да го подобрат своето ментално здравје. Истражувањето утврдило дека ризикот од тие проблеми кај лица кои пред повеќе години го оставиле пушењето не е ништо поголем отколку кај луѓето кои никогаш не пушеле.
Со студијата биле опфатени 6.500 лица во период од над 40 години. Откриено е дека 18,3 отсто од пушачите страдаат од депресија и анксиозност, во споредба со десет отсто непушачи и 11,3 поранешни пушачи.
Експертите велат дека е заблуда верувањето дека цигарите смируваат:
– Нашата студија покажа дека оставањето на пушењето го подобрува не само физичкото, туку и менталното здравје, потенцира водачот на студијата Роберт Вест, професор по психологија на Универзитетот во Лондон.
Пушачите мислат дека пушењето ги смирува, но тоа всушност ја зголемува анксиозноста и напнатоста. Кога ќе запалат цигара, тие всушност привремено го блокираат стресот предизвикан од недостиг на никотин во организмот, што го мешаат со вистинско опуштање.
Facebook Коментари