Експертска група од УНЕСКО од денеска ќе врши контроли на инфраструктурните проекти во Охрид

Експерти од УНЕСКО денеска доаѓаат во Охрид со цел да извршат увид на почнатите градби како и планираните објекти покрај брегот на Охридското езеро. Новите објекти на Плаошник, хотелот во Лагадин, проект – експресен пат до Свети Наум и планираниот скијачки центар на Галичник се објектите врз кои експертската група од УНЕСКО ќе врши увид.

УНЕСКО на 40-та седница во Истанбул изрази сериозна загриженост за иднината на регионот на Охрид поради бројните инфраструктурни проекти кои се планирани, а дел од нив веќе и во реализација.

Претходно, низа еколошки  организации  организираа бројни настани и трибини против планот за експресниот пат Охрид – Пештани преку Галичица, против планот за скијачкиот центар на Галичица, за новата елитна населба во Студенчишко Блато и туристичко-развојната зона во Љубаништа.

извор: MKD.mk