Од синоќа на полноќ бензините се поевтини за три денари, а дизел горивата за 2 денари. Регулаторната комисија за енергетика ја донела оваа одлука поради за 5,45 отсто пониската просечна цена на суровата нафта на светскиот пазар во изминатите 14 дена и за 2,2 отсто понискиот курс на доларот во однос на денарот.
Со оваа одлука се врши намалување на рафинериските и на малопродажните цени на нафтените деривати за 6,71, односно 4,38 отсто.
Новата цена на ЕУРОСУПЕР БС-95 ќе изнесува 63, а на ЕУРОСУПЕР БС-98, 65 денари за литар. ЕУРОДИЗЕЛ (ДЕ-V) ќе се продава за 49, а Екстра лесното масло за домаќинство (ЕЛ-1) за 37,5 денари за литар. Со одлуката на РКЕ за 1,145 денари за килограм се намалува и малопродажната цена на мазутот М-1 НС и ќе изнесува 25,252 денари за килограм.
Facebook Коментари