Генерацијата 1961/65 година од гимназиското образование на II-та гимназиска генерација „Браќа Миладиновци“ – Струга се собраа на 22 мај 2025 година, да одбележат 60 години од матура. Тогаш, тука учеа ученици од Струшко-Охриска и Ресенска околија.
-Се собравме, сега пензионирани: инжинери, лекари, стоматолози, професори, социјални работници, правници и др. Со прегратки и сеќавања дека од претходната средба не сме изменети но сме бројчано намалени. Во одморалиштето „Солферино“ во Струга, во убаво уредена сала беше дружењето во пријатна атмосфера со ручек и музика, велат матурантите од Генерацијата 1961/65 година.
Имаше повеќе инспиративни обраќања и сеќавања на инж. Ванѓел Наумоски, проф. Дуке Стојаноски, Луан Ајрула, Васил Бушиноски и други, кои предизвикаа аплауз и смеа.
-Секоја средба буди несекојдневни спомени и убав поминат ден, со прегледување на повеќе тогашни фотографии, донесени од Лубица Пејоска. По направената овогодишна заедничка фотографија од 60 годишнината на матурата, се разделивме со прегратки и желба да не чува здравјето па догодина повторна средба во мај, ни рече Ванѓел Нумоски еден од членовите на Иницијативниот одбор за одбележувањето на јубиларната генерациска матурска средба.
Фото и текст: СТОЈАН КУКУНЕШОСКИ
StrugaOnline
Facebook Коментари