(ФОТО) Парумба, втор ден Духовден во „гулабицата“ „Св. Троица“ во Горна Белица

- 09/06/2025

- Локални

1103

Oколу 150 стружани од сите генерации традиционално и оваа година се искачија на Парумба, над струшкото село Горна Белица, на вториот ден од Духовден.

Литијата започна во пет часот наутро од село Горна Белица до Света Троица — македонска православна црква што се наоѓа западно од селото, високо на планината Јабланица, во самото подножје на Црн Врв на 1900 метри надморска висина. Црквата е позната и под името Парумба, по истоименото место што значи Гулабица на влашки јазик.Црквата е осветена на 28 септември 1998 година од митрополитот Дебарско-кичевски Тимотеј. Под црквата извира вода, која се смета за света.

После утринскиот Богослужбен, соборен молитвен чин во црквата св.Тројца -Парумба Горна Белица, присутните се упатија на жива музика во хотелот во Горна Белица.