Вчера, 11 јуни, здружението на пензионери Струга предводено од претседателот Милорат Трпоски и претседателот на комисијата за спорт Јован Попоски освоија 4 први места на 29-те регионални пензионерски спортски натпревари од 4-от регион на Македонија кој се одржаа во спортскиот центар Билјанини извори во Охрид.
Пензионерите спортисти се натпреваруваа во 11 спортски дисциплини а учество зедоа седум здруженија на пензионери: од Струга, Вевчани, Дебар и Центар Жупа, Лабуништа, Кичево, Македонски Брод и домаќинот ЗП Охрид и Дебарца, а кои учествуваа речиси во сите дисциплини и освоија 4 први места.
Спортските игри ги отвори секретарката на СЗПМ Менка Темелкоска, која им посака успех на сите спортисти, додека пак свои обраќања имаа и градоначалникот на Охрид Кирил Пецаков, кој ги поздрави пензионерите и им посака добро здравје и многу успех во натпреварувањата.
Свое обраќање и поздрави кон присутните имаше и домаќинот, претседателот на ЗП Охрид Васко Маркоски.
На свеченоста која се одржа по натпреварите беа доделени дипломите за победниците како и благодарници за сите здруженија кои зедоа учество на 29-те регионални спортски натпревари.
ТЕКСТ И ФОТО: СТОЈАН КУКУНЕШОСКИ
StrugaOnline
Facebook Коментари