Дејан Костески од Струга денеска оствари средба со Министерот за Спорт Борко Ристовски

На средбата се разговараше за подобрување на спортската инфраструктура во Струга како и итна и неодложна реконструкција на спортската сала Нико Нестор.

Министерот вети дека ќе направи се што е во негова моќ и во рамки на неговите ингеренции Струга да добие за една година реконструкција на спортската сала Нико Нестор, Струга ќе добие и ново мултифункционално игралиште со што граѓаните на Струга ќе добијат повеќе простор за спорт и рекреација како и нови фитнес зони на отворено.

Градинките ќе добијат стручен кадар со кој што професорите по физичко образование спорт и здравје ќе можат да се посветат на најмладите и уште од најрана возраст да се спречат деформитетите кој што настануваат во текот на развојот.

Основните и средни училишта ќе добијат секојдневна настава за часовите по физичко образование спорт и рекреација.

Професор Дејан Костески истакна дека конечно е добиена поддршка од Министерството за Спорт за Ракометниот турнир Енхалон Куп.