Се уште трае пријавувањето за учество на четвртото издание на Спортскиот фестивал „Илинден“ што на 2 август ќе се одржи во Струга, во организација на спортско-рекреативниот клуб „Соларис“, информира претседателот Коста Хиохи.
Натпреварувачите може да се пријават во две од четирите натпреварувачки дисциплини: пливање, кајак, суп и такла.
– Пријавувањето ќе се врши до 25 јули или до пополнување на бројот по натпреварувачка дисцилина. Согласно овогодинашните правила тоа може да го направите во две од четирите натпреварувачки дисциплини: пливање, кајак, суп и такла. Апликацијата за пријавување е објавена на официјалната фејсбук страна на Фестивалот, изјави Хиохи.
– Ги покануваме сите намерници, туристи, спортисти и рекреативци да дојдат на 2 август, на десниот брег после Чаршискиот мост, да го прославиме овој голем празник на еден поинаков начин, рече Хиохи.
Право на учество на спортскиот фестивал „Илинден“ имаат сите заинтересирани граѓани со претходна пријава: https://forms.gle/7TDLvnFoZMGTqs5eA
StrugaOnline
Facebook Коментари