Денеска BBB Прекугранична проекција во Струга

Во рамки на шеснаесеттото издание на Balkans Beyond Borders Short Film Festival, BBB Прекуграничната проекција ќе се одржи и во Струга, во организација на Drim Short Film Festival.

Прекуграничната проекција претставува симултана проекција на натпреварувачката програма на фестивалот под наслов „Unexpected incidents’ distortions”, која ќе се прикажува истовремено во повеќе балкански и европски градови – меѓу кои Струга, Битола, Тирана, Темишвар, Каламата, Призрен, Белград, Истанбул и други.

Настанот е дел од регионската иницијатива на Balkans Beyond Borders, која го слави филмот како средство за културна размена и прекугранично поврзување.

Шеснаесеттото издание на Balkans Beyond Borders Short Film Festival го слави духот на
соработка и регионално поврзување преку BBB Прекугранична проекција, што ќе се одржи
во среда, на 6 ноември 2025 година, на денот на отворањето на фестивалот.
Оваа година, BBB Прекуграничната проекција, која претставува симултана проекција во
повеќе градови, ќе ги обедини публиките од Темишвар (Романија), Велико Трново
(Бугарија), Тирана (Албанија), Битола и Струга (Северна Македонија), Пескара
(Италија), Призрен (Косово), Каламата (Грција), Бајина Башта и Белград (Србија) и
Истанбул (Tурција) домаќинот на фестивалот, создавајќи заедничко филмско искуство
што ги надминува границите и временските зони.

BBB Прекуграничната проекција се однесува на проекцијата на натпреварувачката
програма на 16. издание на BBB SFF, со наслов „Unexpected incidents’ distortions“ и
произлегува од темата на фестивалот „DISTORToΠia – Како ја огледуваш реалноста“,
која се фокусира на начинот на кој ја перцепираме, искривуваме и повторно ја дефинираме
реалноста. Темата нè повикува да ги преиспитаме нашите околности, да се соочиме со
конструираните вистини и да размислиме за тоа како имагинацијата, меморијата и
перцепцијата го обликуваат нашето разбирање на светот.

Програмата „Unexpected incidents distortions“ претставува збирка приказни што
балансираат помеѓу случајното и судбинското, реалноста и илузијата, нудејќи простор за
повеќеслојни толкувања на неочекуваните настани. Таа вклучува следниве кратки
филмови:

– Actually Everyone, Emre Cef Kamhi, Турција, црна комедија, 2025, 17.55’
– Pakistani, Christos Zeniou, Кипар, драма, 2024, 14.25’
– Three Women named Svetlana, Natalia Boorsma, Србија, експериментален, 2024, 14.39’
– The Tie, Çamran Azizoğlu, Турција, комедија, 2024, 18.52’
– Mentor, Tinkara Klipšteter, Словенија, драма, 2024, 15’
– The Journey of a Mattress, Lina Pavlova, Бугарија, драма, комедија, 2025, 21.24’

Преку оваа заедничка иницијатива, Balkans Beyond Borders има за цел да ги промовира
младите филмски автори, да поттикне креативен дијалог и да ги зајакне регионалните
врски. Со поврзување на повеќе градови во истовремено филмско искуство, фестивалот го
претвора филмот во колективен чин на учество и културна рефлексија.
Секоја организација учесник ќе ја одржи својата локална проекција, обезбедувајќи
единствено, но локално вкоренето искуство во секој град. BBB Крос-граничната проекција
продолжува да ја остварува мисијата на фестивалот-да ја слави разновидноста,
креативноста и заедничкиот културен идентитет на Балканот и пошироко, преку моќта на
филмот.

Прекуграничната проекција на 16. издание на BBB Short Film Festival се реализира во
соработка со:

TaM (Велико Трново), Asociația Culturală Contrasens (Тимишоара), Kalamata Creative
Documentary Center, PvN (Тирана), Sfera International (Битола), DokuFest (Призрен),
Arsis (Козани), Adriatic Film Festival (Пескара), Drim Short Film Festival (Струга) и Basta
Festival (Бајина Башта).

Настанот ќе се одржи денеска во Еуроп Хаус Струга со почеток во 20:00 часот.

StrugaOnline