Општина Струга распиша јавен повик за доделување на јавна набавка за одржување на дивата струшка депонија. Од граѓанската иницијатива „Доста“ излегоа со соопштение преку кое го изразија негативниот став кон одлуката на општината. Во соопштението стои:
„Почитувани Стружани би сакале да Ве известиме дека Општина Струга распиша јавен повик за доделување на јавна набавка за одржување на дивата струшка депонија. Овој пат во износ од 5.000.000,00 денари. Како граѓанска иницијатива сме строго против ваков тендер бидејќи тоа би значело дека локалните, а и централните власти планираат да продолжат да ја користат дивата струшка депонија и со тоа да ги трујат Стружани. Ние како иницијатива ќе ги искористиме сите можни механизми да делуваме со цел затворање на сегашната дива депонија и определување локација која би била побезбедна за одлагање отпад.“
Oд „Доста“ апелираат до сите граѓани активно да се вклучат и да ги искористат сите знаења и влијанија се со цел да се реши овој проблем.
Извор: Strugaonline
Facebook Коментари