Вчера во Општина Струга граѓани имаа можност директно да учествуваат во процесот на креирање на општинскиот буџет
Вчера во Општина Струга се одржа Граѓански буџетски форум, на кој граѓаните имаа можност директно да учествуваат во процесот на креирање на општинскиот буџет.
-Преку отворена дискусија и конструктивни предлози, учесниците ги споделија своите идеи, приоритети и потреби со цел буџетот да ги одразува реалните интереси на заедницата. Овој процес е значаен чекор кон поголема транспарентност, отчетност и активно граѓанско учество во локалното одлучување, велат од Општина Струга.Додаваат дека Општина Струга останува посветена на инклузивен пристап и продолжува да ги вклучува граѓаните како рамноправни партнери во планирањето и развојот на локалната заедница.
StrugaOnline
