ЈП Комунално-Струга: Сите правни и физички лица кои имаат неплатен долг, да го подмират во најкус рок
ЈП Комунално-Струга ги известува сите физички и правни лица кои не ги имаат подмирено своите финансиски обврски, односно акумулираните долгови кон ЈП „Комунално“, истите да ги подмират во најкраток можен рок.
-Како јавно претпријатие, секојдневно, почнувајќи од 05:00 часот наутро па сè до полноќ, вклучувајќи ги и празничните денови, вложуваме максимални напори за одржување на градот Струга чист, уреден и зелен.
Континуирано се стремиме кон зголемување на перформансите на нашите вработени и подобрување на ефикасноста на претпријатието, согласно барањата и потребите на граѓаните. Сепак, остварувањето на овие цели е невозможно без навремена наплата на финансиските обврски од сите корисници на нашите услуги.
Поради тоа, уште еднаш ги повикуваме сите финансиски должници кон претпријатието да ги подмират заостанатите обврски во најкраток можен рок. Во спротивно, ЈП „Комунално“ ќе биде приморано да преземе законски и извршни мерки, во согласност со важечката законска регулатива, информира в.д. директорот на ЈП „Комунално“ Ресул Чолаку.
StrugaOnline
