Стабилно нивото на Охридското Езеро – водостојот над јануарскиот просек

Според најновата дневна хидролошка информација на Управата за хидрометеоролошки работи (УХМР), нивото на Охридското Езеро е стабилно и над просечните вредности за месец јануари, што се оценува како позитивен хидролошки показател.

Утринските мерења извршени во 07:30 часот покажуваат дека водостојот на Охридското Езеро на мерната станица во Охрид изнесува 693.50 метри надморска височина, што е над јануарскиот просек од 693.35 мнм, пресметан за периодот 2001–2020 година. Во однос на претходниот ден, нивото останува непроменето, што укажува на стабилна хидролошка состојба.

Температурата на водата во Охридското Езеро утрово е измерена на 6.5°C, што е во рамки на очекуваните вредности за овој период од годината, и нешто под јануарскиот просек од 6.8°C.

За разлика од Охридското Езеро, Дојранското Езеро и понатаму бележи сериозно намалено ниво, кое според официјалните податоци е 90 сантиметри под договорениот минимум, додека кај Преспанското Езеро нивото е под просекот за месец јануари.

Извор: УХМР, фото: архива

StrugaOnline