Ракометен викенд за Струга: Пионерите дома против Бутел, кадетите и сениорите на гости

Богат ракометен викенд ги очекува екипите на РК Струга, со натпревари во пионерската, кадетската и сениорската конкуренција.

Пионерите на Струга утре, во рамките на второто коло од Пионерската лига, на домашен терен ќе го пречекаат составот на РК Бутел од Скопје.

Натпреварот ќе се одигра во спортската сала „Тими“ во Струга, со почеток во 15:00 часот. Од струшкиот клуб ги повикуваат љубителите на ракометот и сите стружани да дојдат во салата и со својата поддршка да им помогнат на младите ракометари во настапот пред домашната публика.

Во меѓувреме, кадетите на РК Струга ги очекува гостување во Скопје, каде што ќе ги одмерат силите со РК Пролет.

На гостински терен ќе настапи и сениорската екипа на Струга. Во сабота, стружани ќе играат против РК Прилеп, во натпревар во кој ќе се обидат да стигнат до нови бодови.

Пред струшките ракометари е исполнет викенд, со натпревари во сите три младински и сениорски категории, а од клубот очекуваат поддршка од трибините за младите таленти кои го носат дресот на Струга.

StrugaOnline