Влезниците за BAH & FRIENDS во претпродажба – обезбедете го своето место навреме

Струга се подготвува за голема танцова вечер. Студиото за танц „БАХ“ од Струга го најавува BAH & FRIENDS, спектакуларен настан кој на едно место ќе обедини танц, музика, енергија и специјални гости.

Настанот ќе се одржи на недела, 1 ноември, со почеток во 18:00 часот, во Центарот за култура – Струга.

На сцената, покрај домаќините од Студиото за танц „БАХ“, ќе настапат и нивни пријатели и гости од земјава. Публиката ќе има можност да ужива во настапите на Dance Team Fusion од Куманово, КУД „Дримкол“ од Вевчани, како и во настапот на Ана Стојановска, која ќе пристигне директно од евровизиската сцена.

Посебно внимание привлекува и најавата за специјалниот гостин – Лозано, еден од најпознатите македонски музички изведувачи.

За сите кои сакаат навреме да си обезбедат место на овој настан, влезниците од петок, 9 октомври, се достапни во претпродажба по цена од 350 денари.

Билетите може да се набават во Студиото за танц „БАХ“, секој работен ден по 17:00 часот.

Од организаторите информираат дека бројот на влезници е ограничен, па ги повикуваат заинтересираните да ги обезбедат билетите навреме.

Доколку останат влезници, тие ќе бидат достапни на билетарата во Струга на денот на концертот, но по повисока цена.

BAH & FRIENDS е замислен како повеќе од обичен сценски настап – како вечер посветена на пријателството, заедништвото и љубовта кон танцот и сцената.

1 ноември, 18:00 часот – Центар за култура, Струга.

Влезница во претпродажба: 350 денари.

StrugaOnline