Малолетно лице заврши во струшката болница откако незаконски му продале алкохолни пијалоци

ОВР Струга поднесе кривична пријава против правно лице од Струга, против Т.Б.(44) од Струга, управител на правното лице и против В.Н.(54), вработена во правното лице поради постоење основи на сомнение за сторено кривично дело „точење алкохолни пијалоци на дете” по член 204 од Кривичниот законик.

Пријавените, без да побаараат документи за идентификација, му овозможиле на малолетно лице од Тетово во продажниот објект, да купи алкохолни пијалоци, а подоцна по консумирање кај него настанало труење и во неконтактибилна состојба бил пренесен во Медицинскиот центар во Струга.

На тој начин пријавените постапиле спротивно на забраната за продажба на алхохолни пијалоци на малолетни лица.

Извор: СВР Охрид, фото: архива

StrugaOnline