Кадетките на Ж.К.К. Струга 2009 убедливи во езерското дерби против Охрид

Кадетките на Ж.К.К. Струга 2009 забележаа убедлива победа во езерското дерби против Г.К.К. Охрид, славејќи со високи 61:20. Стружанките уште од самиот почеток ја наметнаа својата игра и со сигурна и ефикасна партија заслужено стигнаа до победата.

Домашниот состав одлично го отвори натпреварот, добивајќи ја првата четвртина со 20:3. Во продолжението стружанки ја задржаа контролата врз играта и предноста ја зголемуваа од четвртина во четвртина. На полувремето резултатот беше 34:8, додека во второто полувреме Ж.К.К. Струга 2009 продолжи со доминантната игра и го приведе натпреварот до убедлив триумф. По четвртини: 20:3, 14:5, 15:8, 12:4.

Најефикасна во редовите на Ж.К.К. Струга 2009 беше Мијевска со 13 поени. Дукоска и Стеблева постигнаа по 12 поени, додека Ајдиноска, Узуновска и Танаскоска придонесоа со по 4 поени.

Во листата на стрелци се запишаа и Мојсоска и Коцареска со по 3 поени, како и Хаџиева, Коруноска и Крацоска со по 2 поени.

StrugaOnline