Македонија е во главната фаза на СП во ракомет – ова е распоредот

Македонската ракометна репрезентација обезбеди пласман во главната фаза на Светското првенство кое се одржува во Хрватска, Данска и Норвешка. Со овој успех, „црвено-жолтите“ ќе одиграат уште најмалку три натпревари на овој Мундијал.

Во следната група, Македонија ќе пренесе еден бод. Првиот натпревар од главната фаза е против Австрија и ќе се одигра во вторник (21 јануари). Следниот предизвик е мечот против Катар, закажан за четврток (23 јануари), додека завршниот дуел е против фаворитот Франција во сабота (25 јануари).

Франција во оваа фаза влегува со четири бодови, Австрија со два, додека Катар нема бодови. Сите натпревари ќе се одиграат во Вараждин.

Распоред на натпреварите на Македонија:

• 21 јануари (вторник): Македонија – Австрија, 15:30 часот,
• 23 јануари (четврток): Македонија – Катар, 15:30 часот,
• 25 јануари (сабота): Македонија – Франција, 20:30 часот,

Со поддршка од верната македонска публика, репрезентацијата се подготвува за нови предизвици и ќе се обиде да остави уште посилен впечаток на овој престижен турнир.

StrugaOnline