Maкедонската репрезентација победнички го започна настапот на Светското првенство во ракомет совладувајќи ја селекцијата на Јапонија со резултат 38:29. Нашите ракометари имаа целосна доминација над противниците. Неизвесни беа првите десет минути од натпреварот, а потоа Македонија го наметна своето темпо. Нашите ракометари на одмор отидоа со резултат 18:13, а на почетокот на вториот дел Јапонија влезе во форма и ја стопи оваа предност. Нашите ракометари имаа само мала криза и брзо се вратија со ефективна игра, а со тоа ја вратија и својата предност.
МАКЕДОНИЈА – ЈАПОНИЈА 38:29 (18:13)
Олимписка сала во Минхен. Судии: Вацлав Хорачек и Јиржи Новотни од Чешка.
МАКЕДОНИЈА: Ристовски (19 одб.), Митревски, Манасков 7/11, Стоилов 6/8, К. Лазаров 8/14, Чурлевски, Талески 3/4, Маркоски, Кузмановски 4/9, Танкоски, Георгиевски 1/1, Ф. Лазаров 2/2, Крстевски, Поповски 3/3, Пешевски 4/4, Серафимов 0/2.
Седмерци: 4/5, Исклучувања: 8 мин.
ЈАПОНИЈА: Кубо (8 одб.), Каи (1 одб.), Мијазаки 3/4, Касахара 2/3, Јуки 2/3, Нарита 2/3, Токуда 2/6, Ватанабе 5/6, Анри Дои 2/2, Шида 4/10, Мотоки 0/1, Тамакава 1/1, Окамото 1/2, Јошино 2/6, Агари 2/3, Кадојама
Седмерци: – , Исклучувања: 6 мин.
Strugaonline
фото: 24 ракомет
Facebook Коментари