Mакедонската фудбалска репрезентација бележи значаен напредок на ранг листата на ФИФА

Фудбалската репрезентација на Македонија бележи нов напредок на најновата ранг листа на ФИФА односно од 103-то место во септемвриското рангирање, сега се наоѓа на 85-та позиција.

Овој успех се должи на ремито со четирикратниот Светски првак Италија како и триумфот од 4:0 против Лихтенштајн во последните два квалификациски меча за СП Русија 2018.

Што се однесува до првите позиции, ситуацијата е непроменета, се уште лидер е Германија, на вице-шампионската позиција е Бразил, а потоа следат Португалија, Аргентина, Белгија и Полска.  Франција има напредок од едно, а Шпанија од три места односно овие две земји сега се на седмото и осмото место, а успешната фудбалска десетка ја заокружуваат Чиле и Перу.