Меѓународната веслачка регата „Струга Опен“ годинава имаше најмногу учесници во својата историја

Изминатиов викенд Струга беше  домаќин на дваесеттото  јубилејно издание на Меѓународната веслачка регата „Струга Опен“ на која учествуваа над 60 веслачи во пионерска, кадетска и јуниорска конкуренција.

,,Во Струга се натпреваруваа веслачки клубови од Грција, Бугарија, Србија и домаќинот, ВК Црн Дрим од Струга. Бројката од 60 веслачи претсавува најголема посетеност во историјата на регатата.“-информираат организаторите.

Најуспешни меѓу струшките веслачи беа Ана Прентоска со два златни медали во дисциплината ,,скиф“ во пионерска и кадетска конкуренција, Климентина Стојмилоска освои златен медал во скиф за јуниорки, Кристијан Китаноски се закити со злато во категорија скиф, а злато освои и во дубл заедно со Цвете Димоски.

Леон Шутиноски освои златен медал во скиф и бронзен во дубл со Цвете Димоски. Александар Хиохи се закити  со сребрен медал во скиф и бронзен во дубал заедно со Вања Кукунеш во пионерска конкуренција.

Strugaonline