На светското првенство за кадетки Македонија вечерва игра со Шведска во главната рунда
На Светското првенство за кадетки во Македонија, денеска стартува главната рунда. Во денешните натпревари ќе се одиграат по два дуели од групата А и Б. Освен натпреварите од главната рунда ќе се одиграат и натпреварите за разигрување за пласман од 17 до 32 место на кадетскиот Мундијал.
Репрезентацијата на Македонија вчера ја совлада селекцијата на Иран, а вечерва со почеток од 20:30 часот за прв ривал во главната рунда ја има репрезентацијата на Шведска која ќе стартува без бодови.
