Пионерите на Ракометната школа Струга Динг 2021 се победници на Меморијалниот турнир ,,Зоран Стојановски“

– Последните години сме редовни учесници на овој турнир, а ова е втор пат како го освојуваме првото место. Со тоа, уште еднаш покажавме дека нашата школа е база на новиот бран млади ракометари од Струга.  Оваа година имаше екипи и во машка и во женска конкуренција, а во финалето нашата пионерска екипа извојува сигурна победа над домаќинот. Во екипата годинава се приклучени и дел од помладите пионери, работиме напорно, имаме добра атмосфера и тоа носи резултати на долгорочен план. Овие натпревари ни послужија како увертира во следните предизвици кои се пред нас, а тоа е почетокот на пионеркста лига при РФМ, каде годинава иако подмладени се надеваме на добри игри како и минатата година, а исто така и Меѓународниот турнир во Лесковац, Србија што ќе се одржи наредниот месец и каде што ќе настапиме со генерации 2008, 2010 и 2012, вкупно 40 деца, кои ќе се натпреваруваат со екипи од целиот Балкан и пошироко.-изјави за Strugaonline тренерот на Струга Динг 2021, Дејан Коцар.

Toј додаде дека обично самите екипи се борат за да учествуваат на вакви турнири, а тимот на Ракометната школа Струга добива покани. Коцар потенцира дека Ракометната школа Струга има голема база на деца од сите генерации, и како што вели, најважно до се е што се пријателски настроени и отворени за соработка со сите.

Strugaonline