Пионерките на ЖРК Стружанка ја постигнаа втората победа оваа сезона

Пионерките на ЖРК Стружанка  ја забележаа втората победа во оваа ракометна сезона на домашен терен против тимот на Алушевски од Скопје со резултат од 15:10(6:7).

ЖРК Стружанка имаше слаб почеток, односно на самиот старт губеше со 3:7 но успеа да ја стопи предноста на противникот и на одмор замина само со еден гол негатива.

Во второто полувреме пионерките со многу поголема мотивираност и желба за победа го покажаа својот квалитет правејќи целосен пресврт против гостите и на стартот од второто полувреме направија разлика која ги однесе во сигурна победа пред домашната публика која од натпревар на натпревар е се побројна на трибините.

Девојките со овој триумф ја запишаа својата втора победа оваа сезона, а до сега имаат и два порази

Наредниот викенд ЖРК Стружанка и гостува на екипата на Макалоски.

Стрелци за ЖРК Стружанка на овој натпревар беа:

1. Миладиноска Маријана 6 погодоци
2. Голабоска Марија 4 погодоци
3. Домазетоска Теодора 4 погодоци
4. Дукоска Теодора 1 погодок

Извор и фото :zrkstruzanka.mk

Strugaonline