Совршен викенд за ЖКК Струга 2009: Помали пионерки, пионерки и кадетки без пораз

Викендот донесе максимален ефект за младинските селекции на ЖКК Струга 2009, кои забележаа три победи од три натпревари и уште еднаш покажаа дека струшката школа за кошарка има светла иднина.

Помали пионерки – убедлива победа против Декса

Помалите пионерки на Струга 2009 славеа против екипата на Декса со убедливи 31:54
(09:16; 08:11; 03:15; 11:12).

Стружанките одиграа дисциплиниран натпревар, со цврста одбрана и одлична реализација во клучните моменти. Најефикасни во составот беа: Дукоска Моника со 18 поени, Ајдиноска Туана 10, Матеска 8, Наумоска 5, Маркоска Изабела 4 поени и Кукунешоска Б., Денкоска, Кајмакоска и Мијевска со по 2 поени.

Пионерки – Нелоска блескаше со 37 поени

Пионерките на ЖКК Струга 2009 остварија значајна победа против екипата на Спорт Тим со резултат 53:67 (13:15; 17:16; 11:22; 12:14).

Во центарот на вниманието беше Нелоска, која одигра фантастичен натпревар и постигна неверојатни 37 поени, носејќи ја својата екипа до сигурен триумф.

Останати стрелци беа: Узунoска А. со 10 поени, Ајдиноска Џемиле 6, Узунoска Т. и Пејчиноска по 4 поени, Кајмакоска, Чороска и Хаџиева сопо 2 поени.

Кадетки – победа во Скопје против Бадел

По успешните настапи на помалите пионерки и пионерките, кадетската екипа на ЖКК Струга 2009 ја заокружи викенд-бајка со победа во Скопје против екипата на Бадел 1862 со резултат 58:68 (13:13; 18:21; 17:24; 10:10).

Стружанките одиграа зрел и борбен натпревар, особено во третата четвртина каде ја направија клучната разлика.

Најефикасни во редовите на ЖКК Струга 2009 беа: Зиба со 26 поени, Даути 18, Дукоска 11, Миладиноска 7, Мојсоска 3, Таранеши 2 и Мијевска со 1 поен.

Со овие три победи, младите кошаркарки на ЖКК Струга 2009 испратија јасна порака дека клубот продолжува да гради силна и конкурентна генерација која со гордост го претставува градот.

StrugaOnline