Европската ракометна федерација (ЕХФ) со помош на нејзините експерти направи рангирање на најдобрите екипи во Лигата на шампионите, рангирање на кое како прв фаворит за тронот е посочен нашиот првак ЖРК Вардар.
Вардарки играат стабилно и сигурно во оваа сезона, тие се единствената екипа без пораз во најелитното натпреварување, а тоа придонесе ракометните стручњаци да им ја дадат позицијата број еден за пехарот кој веќе неколку години со нетрпение се чека во Скопје.
– Логично е единствениот непоразен тим во натпреварувањето да биде на врвот на листата. Заедно со ФТЦ Будимпешта, македонскиот состав е единствениот тим кој ги доби сите мечеви во главната фаза иако со два/три гола разлика. Вардар го преживеа Турингер на гостински терен, но нивната одбрана и ширината на составот се доволни да ги исфрлат како фаворити за освојување на титулата. Тоа што ги пречекуваат Будуќност и Турингер во двете од три последни средби од оваа рунда им ги зголемува шансите за првото место во групата, – се вели во објаснувањето на ЕХФ.
Топ 10 рангирањето на ЕХФ изгледа вака:
01. Вардар
02. ФТЦ Будимпешта
03. Ѓер
04. Ларвик
05. ЧСМ Букурешт
06. Митјиланд
07. Мец
08. Будуќност
09. Турингер
10. Есбјерг
Facebook Коментари