Во ек на летната туристичка сезона, инспекциските служби на Агенцијата за храна и ветеринарство (АХВ) вршат вонредни, засилени контроли на операторите со храна во туристичките центри во земјава.
Во изминативе три дена, спроведени се вонредни контроли во Охридско-Струшкиот регион и во Дојран.
-Со засилените контроли, чија цел е спречување на евентуални труења и инфекции од храна, кои лесно можат да се случат како последица на високите температури, во наредниов период опфатени ќе
бидат и останатите туристички центри во земјава, вклучително и планинските. Спроведени се контроли во хотели, ресторани, пицерии, слаткарници, пекарници, сендвичарници, ќебапчилници, кафе барови, маркети и други објекти, каде има зголемена фреквенција на туристи. Зајакнати контроли се спроведуваат и во малопродажните објекти во сите населени места.-информираат од АХВ
Со вонредните контроли во Охридско-Струшкиот регион опфатени беа 89 оператори со храна. За утврдените неусогласености (најдена храна со поминат рок, лоши хигиено-технички услови, нерегистрирани оператори со храна во Агенцијата за храна и ветеринарство и др.), издадени се 15 наредби за отстранување на утврдените недоследности, изречени се две забрани за вршење на дејност, 22 мерки едукација на операторите, а изречени се и и 14 парични кзни. Како небезбедни, од страна на
инспекциксите служби на Агенцијата, уништени се 203 килограми храна.
– Во услови на зголемени температури, а со нив и зголемен ризик за расипување на храната, апелираме до граѓаните храна да купуваат од одобрени и регистрирани објекти кои ги имаат имплементирано безбедносните системи, а како потрошувачи да внимаваат и на означувањето на производите и каде и како истите се чуваат, потенцираат од АХВ.
Од таму додаваат дека како одговорна институција за безбедноста на храната ги охрабруваат граѓаните секоја недоследност во поглед на безбедноста на храната да ја пријават на бесплатната телефонска линија за потрошувачите на Агенцијата за храна и ветеринарство 0800 3 22 22, но и лично, или на електронската пошта [email protected].
Strugaonline
Facebook Коментари