Баховки блеснаа во Белград и освоија четири први места!

Балетското студио „Бах“ со успех ја заврши 2019-та година. Баховки учествуваа на Новогодишен куп „Сапо“ што се одржа во Белград, Србија, и во конкуренција од неколку балетски студија од Балканот освоиja четири први места во слесниве категории:  Show dance Group adults; Street dance Show Formation Adults; Open solo F Juniors- Katja;  Open formation Adults.

„Девојките покажаа голема борбеност и синхронизираност. Навистина дадоа се од себе и нашиот град го претставија во најдобро светло на што сум посебно горда“-изјави Taња, кореограф и идеен творец на Балетското студио „БАХ“.

Овие четири први места го заокружија успехот на ова балетско студио за годинава што изминува, а за нив беше многу плодна. Во март го одржаа модниот ден, во април низ струшките улици одржаа прекрасна танц-парада, во октомври го одржаа годишниот концерт со наслов „Журка“ и на крај блеснаа во Белград.

За следната 2020 година подготвуваат нови изненадувања.

Strugaonline