Врз основа на верификација на посебната програма за Негувател/ка за помош и нега на стари лица и лица со попреченост, во рамки на Проектот – “Ковид-19 Одговор за подобрување на социо-економската ситуација на маргинализираните лица во 6 држави од Западниот Балкан”, поддржан од страна на Австриска Агенција за Развој и Австриски Црвен крст, Црвен крст на Република Северна Македонија – Општинска организација Струга распишa конкурс за обука на Негувател/ка за помош и нега на стари лица и лица со попреченост
Се повикуваат заинтересирани лица, долгорочно невработени жени, кои сакаат да посетуваат обука и да се стекнат со верификуван сертификат да аплицираат во периодот од 15.12.2021 до 30.12.2021 година
Кандидатите треба да ги исполнуваат следните услови:
– Да се државјани на Р.С Македонија;
– Да имаат над 18 години;
– Да имаат општа психо-физичка способност за работа;
– Да имаат минимум основно образование;
– Да бидат мотивирани за работа со стари и немоќни лица, и лица со попреченост;
– Да бидат мотивирани по обуката да бидат вклучени како негуватели во сервисот за нега во домашни услови при општинската организација на Црвен крст Струга.
Обуката за негувател/ка за помош и нега на стари лица и лица со попреченост е сертифицирана и е бесплатна.
Заинтересираните кандидати можат да се пријават на е-маил: [email protected]
Телефон за контакт: 046/786-014, 071/398-424
Од струшкиот Црвен крст информираат дека секој заинтересиран кандидат ќе биде повикан на индивидуално интервју.
Strugaonline
Facebook Коментари