Во амбасадата на Малта во Хаг се одржа дипломатски свечен настан во чест на приемот на Малта во Советот за безбедност при ОН.
По тој повод, беше поставена изложба со дела на интернационалната уметница Лида Шерафатманд и струшкиот уметник Милко Нестороски.
Лида и Милко го претставија и манифестот на уметничкото движење ,,Флоресенцизам“ на кој и двајцата се автори.
,,За мене беше голема чест да претставам свои дела на еден таков настан заедно со Лида. Нашата уметност се стреми кон рушење на националните бариери и навлегувањето во изобилството на природата. Темата на моите дела, односно колекција на кукли насловена ,,Амбасадори на оностраниот свет“ целосно се вклопи со прашањето за базбедноста на водите, кое што всушност е и главниот мотив за влезот на Малта во Советот за безбедност“. – изјави за Strugaonline, Милко Нестороски.
Тој додава дека ја искористил можноста пред дипломатсакиот кор да ја претстави Струга како град на поезијата и Охридското езеро, како најстаро езеро во Европа заштитено до УНЕСКО.
На настанот присуствуваше и македонската амбасадорка во Холоандија, Бети Јачева, која што има струшко потекло.
Strugaonline
Facebook Коментари